Stampede is een tyd in die jaar wat die hele Calgary verander. Denims en 'n cowboy-hoed is die uniform vir almal en oral waar jy gaan kan jy verniet ontbyt of middagete kry. Dit is 'n heerlike tyd van die jaar en ek raai almal aan om dit saam te geniet.

Die parade is hierdie Vrydagoggend (8 Jullie) om 9 uur in "downtown" Calgary. Die roete kan <a href='http://java script: openpopup()' target='_blank'>hier</a> gesien word. 'n Verniet ontbyt by 5th Avenue Place in Downtown Calgary is geskeduleer vir die volgende Vrydag, 15 Julie. Volgende Dinsdag is daar by die PetroCanada gebou 'n middagete, met vermaak, van 11:00 - 2:00.

Ek raak nog gewoond aan die groot vakansie in die middel van die jaar, maar die geesdrif waarmee Calgary die Stampede aanpak, is aansteeklik.

Geniet dit.

Ek het so 'n rukkie gelede met die trein werktoe gekom, en die stad is reeds gepak van die mense! Dis tradisie hier dat jy omtrent so van 7uur die oggend al met jou kampstoeltjies (as jy nou nie so gelukkig is om bleacher seating te kon kry nie) in die stad op te daag en vir jou 'n plekkie te kry langs die roete waar die vlotte later gaan verbyry. Sommer van vroegs af is daar al hansworse en kleiner attraksies om die kleingoed se aandag besig te hou. Toe ek met die +15 oor 6de Ave geloop het was ek eintlik jammer ek het nie vanoggend my kamera by my nie, dis net mense so ver jy kyk op en af in die straat, almal uigevat in hul cowboy klere en hoedens (vir eens is ek nie in die minderheid met my hoed hier in Calgary nie!).

Ek het so pas by die huis gekom van die Stampede Parade af, en as jy rerig 'n goeie sitplek wil hê, dan moet jy ten minste voor 6:30 al daar gewees het. O, en sommige mense los hulle stoele sommer die vorige nag langs die roete.
Ek sal kyk of ek regkom met my nuwe kamera om van die fotos op die webwerf te sit.

Dit was 'n heerlike en behoorlike warm sonskyndag.